Friday, December 20, 2013

मोन्सान्टो इन नेपाल


अरव पति नभए पनि¸
श्रीमतीको पति भाको छु
खेती गर्न नसके पनि¸
मोन्सान्टोको विऊ किनी ल्याको छु

सुन्दै छु………..

भेन्टा हुन्छ लौका जत्रो¸
लौका होला कत्रो
फर्सीको ता कुरै छाडौ¸
गोलभेडै फर्सी जत्रो
एउटा पाके परिवार पाल्छ¸
दुईटा पाके गाऊँ
तिन्टाको त कुरै छाडौ¸
देशै खाने दाऊ
ना ना थरी मिसाएका¸
हेर्दै हुन्छ रे राम्रो
खाँदा स्वाद फिट्ट छैन¸
दाम जाने भो हाम्रो

अब के गर्ने त…..

कि किसानलाई विऊ देऊ¸
रैथाने लोकल हाम्रो
स्वादिलो भै फल्ने धेरै¸
सबैभन्दा राम्रो
हैन रोप्न देऊ तिनै¸
जुन फल्छ धेरै
जान्छ नित रैथाने त्यो¸
लोकल अब खेरै
कसकसलाई रोक्छौ तिमी¸
कसलाई भन्छौ नाई
कसकसलाई देखाउछौ भन¸
तिमीले देख्या खाई

कसकसलाई देखाउछौ भन¸
तिमीले देख्या खाई